Eron va Turkiya urush butun mintaqaga tarqalib ketishidan qo‘rqib, G‘azo sektorida zudlik bilan o‘t ochishni to‘xtatishga intilmoqda. Rim papasi Fransisk urushlar tufayli azob chekayotganlar uchun ibodat qildi.
Eron G‘azo sektorida yaqin orada o‘t ochishni to‘xtatish kelishuviga erishilmasa, Isroilning XAMAS bilan mojarosiga aralashish bilan tahdid qildi. Bu haqda Turkiyaga tashrifi chog‘ida Eron Islom Respublikasi Tashqi ishlar vaziri Husayn Amir Abdullahiyon aytib o‘tdi.
Uning turkiyalik hamkasbi Hoqon Fidan Yevropa Ittifoqini o‘t ochishni to‘xtatishga yordam berishni istamaganlikda aybladi va mojaroning Suriya va mintaqaning qolgan qismiga tarqalishi mumkinligidan xavotirlari bilan o‘rtoqlashdi.
Yevropa Ittifoqi tashqi siyosat bo’yicha mas’ul Josep Borrel, Isroilning Jebaliya qochqinlar lageriga uyushtirgan hujumi ortidan ko’p sonli qurbon bo’lganidan dahshatga tushganini aytib, tinch aholini himoya qilish nafaqat ma’naviy, balki qonuniy majburiyat ekanini ta’kidladi.
X-da chop etilgan bir qator xabarlarda Borrell Isroilning o’zini o’zi mudofaa qilish huquqi tinch aholini imkon qadar saqlab qolish majburiyati bilan muvozanatli bo’lishi kerakligini ta’kidladi.
Ayni paytda Iordaniya Isroildan elchisini chaqirib oldi. Isroil G‘azo sektoridagi gumanitar inqirozga barham bergan taqdirdagina u Tel-Avivga qaytadi.
