Yevropa Komissiyasi Yevropa Ittifoqi mehnat bozori tobora keskinlashib borayotganidan xavotirlar oshib borayotgan bir sharoitda muhojirlar uchun blok bo‘ylab ish topishlari uchun yangi platforma yaratish rejalarini e’lon qildi.
Bryussel qonuniy migrantlar mos ish qidirishi mumkin bo’lgan onlayn platforma yaratmoqchi. Bu aholi tez qarib borayotgan Yevropa Ittifoqi mehnat bozoridagi bo‘shliqlarni to‘ldirishga yordam beradi.
Bundan tashqari, platforma noqonuniy muhojirlarni kontrabandachilarga pul to’lash orqali xavfli yo’l bo’ylab Yevropa Ittifoqiga kirib kelishidan to’xtatadi.
“Bugungi kunda Yevropa Ittifoqida oʻn millionga yaqin uchinchi davlat fuqarolari ishlaydi, – deydi Yevropa komissari Ilva Yoxansson. “Bu ishchilarsiz hamma narsa toʻxtab qolardi. Ular bizning iqtisodiyotimiz, xizmat koʻrsatish sohasi uchun zarur. Agar demografiyaga nazar solsak, 2030 yilgacha bizga yetti million ishchi kuchi kerak bo’ladi”.
Yangi onlayn platformadan foydalangan holda qonuniy migrantlar o‘z mutaxassisligi bo‘yicha ishga joylashishlari yoki kasbiy malakalarini talab qilinadigan darajaga oshirishlari mumkin bo‘ladi.
Bryussel Yevropa Ittifoqi davlatlarini chet el ishchi qoʻllari va miyalaridan oqilona foydalanishga, xorijiy diplomlarni tan olishga, byurokratik ishga qabul qilish tartib-qoidalarini qisqartirishga, irqchilik va har qanday kamsitishning oldini olishga chaqiradi. Shuningdek, Yevropa komissiyasi mehnat migratsiyasiga qarshi chiqqan populistlarni qoralaydi.
