Yevropaliklar 2024-yilga borib sun’iy intellekt ularning ishlariga ta’sir etishi mumkin deb hisoblaydi, deya xabar beradi LinkedIn yangi tadqiqot so’rovnomasi. Respondentlarning deyarli yarmi shunday fikr bildirgan.
OpenAI-ning ChatGPT va Google-ning Bard kabi dasturlari to’liq maqolalarni nisbatan tabiiy tilda yozishi, imtihonlardan o’tishi va hatto funksional kodni qiyinchiliksiz yozishi mumkin. Bu esa albatta parallel kasb egalarini xavotirga soladi.
Shu bilan birga, rassomlar va grafik dizaynerlar yaqin yillarda Midjourney yoki DALL-E 2 kabi generativ sun’iy intellekt tasvir yaratish vositalari qanchalik rivojlangani bilan qiziqmoqda.
LinkedIn ijtimoiy tarmog‘i 18 yoshdan oshgan 10 000 dan ortiq ishchilar o‘rtasida sun’iy intellektning ularning mehnat faoliyatiga ta’sirini qanday baholashi haqida so‘rov o‘tkazdi.
Natijalarga ko’ra, Buyuk Britaniya, Fransiya, Germaniya, Ispaniya, Niderlandiya va Italiyadan kelgan respondentlarning ko’pchiligi AI ularga sezilarli ta’sir ko’rsatishiga ishonishi aniqlandi.
Respondentlarning qariyb 45 foizi SI kelgusi yilda ularning ishlarida “sezilarli” o‘zgarishlarga olib kelishini bashorat qilmoqda, ularning uchdan biridan ko‘prog‘i esa ish hajmi ko’pligidan va ish joyidagi o‘zgarishlarga dosh bera olmaslikdan qo‘rqishadi.
“Pandemiyadan keyin mutaxassislar yana o’zgarishlarning yangi to’lqiniga moslashmoqda, chunki generativ SI ish joyida ko’proq e’tiborni jalb qiladi”, deydi LinkedIn karyerasi bo’yicha ekspert Sharlotta Devis.
Uning so’zlariga ko’ra, so’nggi ishlanmalar bilan tanishish “ba’zilar uchun juda qiyin bo’lishi” tushunarli bo’lsa-da, ko’p odamlar o’zgarishlarni qabul qilmoqdalar va texnologiyadan qanday foydalanishni o’rganishni xohlashadi.
So’rov natijalariga ko’ra, ularning yarmiga yaqini ko’proq o’rganishni xohlaydi va ish beruvchilarning 59 foizi ularga maxsus tayyorgarlikni taklif qilmaydi. Uchdan bir qismi allaqachon o’z ishlarida SIdan foydalanadi, 26 foizi ChatGPT kabi generativ SI vositalaridan foydalanadi.
