Yaqinda Yevropa Ittifoqiga aʼzo davlatlar va Yevroparlament sunʼiy intellekt qonunchiligi boʻyicha dastlabki kelishuvga erishdi, bu tez rivojlanayotgan texnologiyani tartibga solish va ishchilarni himoya qilish boʻyicha dunyodagi birinchi urinishdir.
Yevropa Ittifoqi tashabbusi mehnat bozoridagi tez o’zgarishlar davriga to’g’ri keldi. Yaqinda o’tkazilgan so’rovnomada ishtirok etgan Yevropa Ittifoqidagi kompaniyalarning qariyb 75 foizi 2027 yilgacha sun’iy intellektga asoslangan tizimni joriy etishni rejalashtirishgan.
Shunisi qiziqki, Gollandiyaning Picnic supermarketlar tarmog’i 2027-yilgacha kutmoqchi emas: ular allaqachon onlayn chakana savdo sohasida inqilob qilishga harakat qilmoqda. Utrext shahridagi filial yuqori darajada avtomatlashtirilgan markazlar sun’iy intellektga tayanadi. Kompaniya yangi oziq-ovqatlarni shu tarzda tezroq va arzonroq yetkazib berishni ko’zlagan. Picnic ta’kidlashicha, sun’iy intellektning joriy etilishi malakali mutaxassislar uchun yangi ish o’rinlari yaratish, odamlarni katta miqdordagi og’ir mehnatdan xalos qilish imkonini beradi.
“Bugungi kunda sun’iy intellekt tormozsiz yoki xavfsizlik kamarlarisiz, litsenziyasiz odam boshqaradigan mashinaga juda o’xshaydi”, deydi BMTning sun’iy intellekt bo’yicha maslahat qo’mitasi a’zosi Virjiniya Dignum. “Agar biz hamma narsani avvalgidek qoldirsak, men g’oliblar SI dan allaqachon foyda ko’rayotganlar, ya’ni yirik texnologik korporatsiyalar va dunyoning multimillionerlari bo’lishidan qo’rqaman”.
Sun’iy intellektni o’z vaqtida tartibga solmaslik gigant kompaniyalarga undan o’z manfaati yo’lida foydalanishiga yo’l ochib beradi.
