Tahlilchilarga ko’ra, kelgusi 12-18 oy ichida energetika va mudofaa sohalariga sarmoya kiritilishi o’sishi kutilmoqda.
Isroil va HAMAS urushi natijasida Yaqin Sharqda harbiy mojaroning keskin kuchayishi nafaqat jahon hamjamiyatini, balki moliyaviy bozorlarni ham larzaga soldi.
Mintaqadagi vaziyat jahon iqtisodiyotiga kuchli ta’sir ko’rsatganligi sababli, investorlar oldida savol tug’iladi: mojaro avj olish ehtimoli yuqori bo’lgan sharoitda qayerga sarmoya kiritish xavfsizroq?
Global investitsiya strategiyalarini ishlab chiqishga ixtisoslashgan BCA Research, ular neft va mudofaa sektorlariga pul tikishlari mumkin deb hisoblaydi.
Buning sababi, tadqiqotga ko’ra, Isroil va HAMAS o’rtasidagi urush kelgusi yilda boshqa mamlakatlarga ham tarqalishidan qo’rqishdir. Tahlilchilarda shubha yo’q: bu neft shokini keltirib chiqaradi. Bunday prognoz, ayniqsa, AQSh harbiylari Suriyadagi Eron tomonidan qo‘llab-quvvatlangan jangarilar nishonlariga zarba bergani haqidagi xabarlar fonida real ko‘rinadi.
Kompaniyaning bosh geosiyosiy strategi Mett Gertken buni shunday izohlaydi: “Qo’shma Shtatlar Eron bilan keng ko’lamli qarama-qarshilikni xohlamaydi. Ular neft oqimini to’xtatmoqchi emas”, – deydi u. – Eronliklar ham bundan manfaatdor emas. Ammo mojaro ehtimoli hali ham uchdan bir. Bu global iqtisodiyot uchun juda katta xavf”.
