0,00 UZS

No products in the cart.

13.3 C
London
Shanba, Oktabr 23, 2021

Жаҳлини жиловлай олмаган жиян

- Advertisement -
- Advertisement -

Жаҳл, ғазабнинг аввали нодонлик, якуни эса пушаймонликдир. Жоҳилликнинг, жаҳлнинг оқибати ҳеч қачон хайрли бўлмаган. Йўл қўйилган хатоликлар, рўй берган жиноятлар замирида ана шу иллатлар ётади. Шу боис  инсонга жаҳлни жиловлаш, ҳар қандай вазиятда оқибатини ўйлаб йўл тутиш учун ақл берилган.

Хола доимо она мақомига тенглаштирилади. Минг афсуски, ана шундай мақомга муносиб бўлиш учун бутун ҳаётини жиянларига бағишлаган аёл бугун орамизда йўқ. Чунки ғазаб отига миниб, жаҳлини жиловлай олмаган жиян ўз холасининг умрига зомин бўлди. Зафар Каримбоев (исми шарифлар ўзгартирилган) вояга етказган холасининг қотили деган тамғани олди.

Зафар уч ёшга тўлганида онаси кўкрак бези саратонидан вафот этди. Отаси уч нафар болани буви тарбиясига қолдириб, бошқа оила қилиб кетди. Тақдирнинг аянчли зарбаларини қарангки, орадан 6 йил ўтиб буви ҳам оламдан ўтди. Шундан кейин норасидалар онасининг синглиси, яъни Мастуранинг қарамоғида қолди. Ҳали турмушга чиқмаган Мастура бутун умрини жиянларига бағишлади. Оила қурмади. Йиллар ўтиб жиянлар улғайди. Озода турмушга чиқиб кетди. Асқар эса уйланиб оиласи билан Мастура опаникида яшай бошлади. Зафар ўқишга қизиқмади. Ҳали у ишни, ҳали бу ишни бошини тутди. Пул топиш учун Қозоғистонга кетди. Новвойчилик, устачилик қилди, иссиқхонада ишлади. Бироз муддатдан сўнг уйга қайтди. Новвойхонадан иш топди. Ўша куни ҳам кечки маҳал ишдан қайтаётиб йўлда дўконга кириб пиво ичди. Телевизор томоша қилиб ўтирган Мастура хола унинг сархуш ҳолда уйга қайтганини кўриб жиғибийрон бўлди. Уни тергади. Бундан жаҳли чиққан Зафар ошхонадан пичоқни олиб чиқиб аввалига холасига ўдағайлади. Койишда давом этаверганидан сўнг ғазабини жиловлай олмасдан бир неча марта Мастура холанинг кўксига пичоқни санчди. Асқарнинг хотини Дилафрўз шовқин-суронни эшитиб югуриб чиққанида хола ёнбошлаган куйи ётар, Зафар эса унинг олдида серрайиб турар эди. Фақат Дилафрўз: “Нима қилиб қўйдингиз?” дея бақирганидан кейин қўлидаги пичоқни ерга ташлаб кўчага чиқиб кетди.

Суд Зафар Каримбоевни Жиноят Кодексининг 97-моддаси 1-қисмида назарда тутилган жиноятни содир этганликда айбдор деб топиб, 12 (ўн икки) йил муддатга озодликдан маҳрум этиш жазосини тайинлади.

Халқимизда “Етим қўзи асрасанг, оғзи-бурнинг мой бўлур, етим бола асрасанг оғзи-бурнинг қон бўлур” деган мақол бор. Мастура хола ҳам бевақт вафот этган синглисининг фарзандларини ўз қарамоғига олганида меҳр бериб, бошини силаган жияни Зафарнинг бир кун келиб умрига зомин бўлиши етти ухлаб тушига ҳам кирмаган бўлса керак…

Акрамжон АРИПОВ,
Ўзбекистон Республикаси Олий суди
катта консультанти

- Advertisement -

Latest news

Тошкент шаҳрига кириб келувчи йўловчи транспортлар учун 6 та метро бекати атрофида автотураргоҳлар ташкил этилади

“Тошкент метрополитени фаолиятининг самарадорлигини ошириш чора-тадбирлари тўғрисида”ги Президент қарори (ПҚ–5260-сон, 16.10.2021 й.) қабул қилинди Қарорга мувофиқ, “Тошкент метрополитени” УК “Ўзбекистон темир йўллари” АЖ таркибидан Транспорт...
- Advertisement -

Йил охиригача барча кодексларга шарҳлар тайёрланади

“Адолат” Миллий ҳуқуқий ахборот маркази ҳамда Тошкент давлат юридик университети ўртасида ҳамкорлик келишуви имзоланди. Ҳамкорликдан кўзланган асосий мақсад “юриспруденция” мутахассислиги бўйича юридик кадрларни тайёрлаш,...

Хусусий мактаблар тадбиркорлик субъекти ҳисобланадими?

Халқ таълими вазирлигининг ўтган йил ноябрь ойидаги маълумотида юртимизда 140 та хусусий мактаб фаолият юритаётгани қайд этилган. Президентимизнинг 2019 йил 29 апрелдаги 5712-сонли фармони...

2021 йил июнь сони

“Huquq va burch” журнали Чоп этилган вақти: 2021 йил, июнь Саҳифалар сони: 64 саҳифа Чоп этилган мақолалар сони: 12 та Журнал баҳоси: 20 000 сўм МУНДАРИЖАНИ КЎРИШ ЮКЛАБ...

Related news

Тошкент шаҳрига кириб келувчи йўловчи транспортлар учун 6 та метро бекати атрофида автотураргоҳлар ташкил этилади

“Тошкент метрополитени фаолиятининг самарадорлигини ошириш чора-тадбирлари тўғрисида”ги Президент қарори (ПҚ–5260-сон, 16.10.2021 й.) қабул қилинди Қарорга мувофиқ, “Тошкент метрополитени” УК “Ўзбекистон темир йўллари” АЖ таркибидан Транспорт...

Йил охиригача барча кодексларга шарҳлар тайёрланади

“Адолат” Миллий ҳуқуқий ахборот маркази ҳамда Тошкент давлат юридик университети ўртасида ҳамкорлик келишуви имзоланди. Ҳамкорликдан кўзланган асосий мақсад “юриспруденция” мутахассислиги бўйича юридик кадрларни тайёрлаш,...

Хусусий мактаблар тадбиркорлик субъекти ҳисобланадими?

Халқ таълими вазирлигининг ўтган йил ноябрь ойидаги маълумотида юртимизда 140 та хусусий мактаб фаолият юритаётгани қайд этилган. Президентимизнинг 2019 йил 29 апрелдаги 5712-сонли фармони...

2021 йил июнь сони

“Huquq va burch” журнали Чоп этилган вақти: 2021 йил, июнь Саҳифалар сони: 64 саҳифа Чоп этилган мақолалар сони: 12 та Журнал баҳоси: 20 000 сўм МУНДАРИЖАНИ КЎРИШ ЮКЛАБ...
- Advertisement -