Аммо, қишлоқнинг ўртасидан ўтувчи автомобиль йўлида бугунги кунда юзага келган ачинарли ҳолат ҳар қандай кишини ҳайратга солади.
Ушбу кўчадан умумтаълим мактаблари, қишлоқ шифохонаси, бозор ва яна бир қанча савдо дўконию маиший хизмат кўрсатиш объектлари ўрин эгаллаган. Ёғингарчилик пайтларида йўл чети бўйлаб пиёдаларнинг ҳаракатланиши анчайин қийин. Айниқса, ўқувчи ёшлар пиёдалар йўлакчаси йўқлиги сабаб, лойга ботмаслик учун йўлнинг қатнов қисмидан ҳаракатланишга мажбур. Бу эса ҳар хил нохуш ҳолатларни келтириши табиий. Энг ёмони йўлнинг айнан қишлоқ ичидан ўтадиган қисми пастлик бўлгани боис ёғингарчилик пайтида ақлга сиғмайдиган сунъий денгиз ҳосил бўлади. Бу эса нафақат пиёдалар балки, транспорт воситаларини ҳаракатланиши учун ҳам муаммо туғдиради. Йўл чети бўйлаб қазиб қўйилган чуқурлар эса ҳамон очиқлигича ётибди. Афтидан улар орқали ўтказилиши лозим бўлган қувурлар ётқизилмай, иш тугалланмасдан қолган.
Ҳали қишлоқни ораламадик. Шунчаки қишлоқдан ўтиб кетаётиб, ушбу ҳолатга гувоҳ бўлдик. Кўча бўйлаб қурилган уйларни сариқ рангга бўяш билан ҳудуд обод бўлиб қолмайди.
Хўш, обод қишлоқ учун ушбу манзара қанчалик ярашади?
Мавзуга ҳали қайтамиз.
