0,00 UZS

No products in the cart.

5.8 C
London
Shanba, Mart 6, 2021

Қуролли Кучлар миқёсидаги нуфузли мусобақа – “Энг илғор мутахассис” танловига старт берилди

- Advertisement -
- Advertisement -

Кеча, 18 ноябрь куни Жиззах вилоятидаги Мудофаа вазирлигига қарашли «Фориш» тоғ дала-ўқув майдонида ҳар йили анъанавий тарзда ўтказилиб келинаётган Ўзбекистон Қуролли Кучлари миқёсидаги «Энг илғор мутахассис» кўрик-танловининг республика босқичига старт берилди.

Танловнинг тантанали очилиш маросимида сўзга чиққанлар мамлакатимизда мудофаа қудратини юксалтириш, ҳарбий хизматчиларнинг жанговар шайлигини ошириш, уларнинг халқаро майдонда юртимиз шарафини муносиб ҳимоя қилишига алоҳида эътибор қаратилаётганини таъкидлаб, барча жамоаларга омад тилади.

Ушбу нуфузли мусобақада Мудофаа вазирлиги тасарруфидаги ҳарбий округ ва бўлинмалар билан бир қаторда Ички ишлар вазирлиги Қоровул қўшинлари ҳамда Давлат хавфсизлик хизмати Чегара қўшинлари ҳарбий хизматчилари ўзаро куч, салоҳият ва касбий маҳоратини синовдан ўтказмоқда.

Таъкидлаш керакки, ҳудудий босқичларда ўз мутахассислиги бўйича ғолибликни қўлга киритган танлов иштирокчилари «Энг илғор ҳарбий қисм командири», «Энг илғор батальон командири», «Энг илғор взвод командири», «Энг илғор гуруҳ командири» ва «Энг илғор сержант» номинациялари бўйича беллашмоқда.

«Мен ғолиб!» шиори остида ўтказилаётган мазкур мусобақанинг дастлабки кунида ҳарбий хизматчилар жисмоний тайёргарлик ҳамда отиш тайёргарлиги бўйича белгиланган меъёрларни муваффақиятли бажарди. Қисқа вақт ичида автоматни қисмларга ажратиш ва йиғиш, ўқдонни ўқ билан тўлдириш ва бўшатиш, нишонларга ўқ отиш, граната улоқтириш каби топшириқлар шулар жумласидандир.

Бундан ташқари, турникда тортилиш, 100 метр ва 3 километр масофага югуриш мусобақаларида жамоадошлар бир-бирини олқишлаб, қўллаб-қувватлаб турди. Айтиш мумкинки, бу борада командирлар ўзига хос намуна кўрсатмоқда.

Мудофаа вазирлиги томонидан тайинланган масъул офицерлардан иборат ҳакамлар ҳайъати ҳарбий хизматчиларнинг ҳар бир ҳаракатини холисона баҳолаб бормоқда. Ҳали олдинда ҳарбий топография, техник ва тактик тайёргарлик бўйича белгиланган амалий топшириқлар, тест синови, ўқув фильми ва рефератлар намойиши адо этилади.

Эслатиб ўтамиз, «Энг илғор мутахассис» кўрик-танлови 2004 йилдан буён ўтказилиб келинади ва ғолиблар 14-январь – Ватан ҳимоячилари кунида тақдирланади ҳамда уларга бир қатор имтиёзлар тақдим этилади.

Танловнинг республика босқичи жорий йилнинг 22 ноябрига қадар давом этади.

Дилшод РЎЗИҚУЛОВ,

Мудофаа вазирлиги Ахборот ва оммавий коммуникациялар департаменти

- Advertisement -

Latest news

Гулдан нозик, тоғлардан кучли

                                               ...
- Advertisement -

Латент жиноятчилик: сабаблар ва омиллар

Дунёда латент жиноятчиликка қарши курашнинг асосий усулларидан бири сифатида унинг келиб чиқиш сабаблари, шартлари ҳамда унга туртки бўлувчи омилларни аниқлашга эътибор қаратилмоқда. Бундай ёндашув...

Ижтимоий тармоқларда ҳуқуқий тарғибот: тавсиф, таҳлил ва тавсиялар

Ҳар бир инсоннинг ахборот олиш, тўплаш ва тарқатиш ҳуқуқи қонун билан кафолатланган. Аммо олинаётган ва тарқатилаётган ахборот ишончли, хавфсиз ва холис бўлиши, давлат ва...

Жиноятларни таснифлашнинг ижтимоий-ҳуқуқий аҳамияти

«2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси»га мувофиқ жиноят ва жиноят процессуал қонунчилигини такомиллаштириш мақсадида 2018 йил 14 майда Ўзбекистон...

Related news

Гулдан нозик, тоғлардан кучли

                                               ...

Латент жиноятчилик: сабаблар ва омиллар

Дунёда латент жиноятчиликка қарши курашнинг асосий усулларидан бири сифатида унинг келиб чиқиш сабаблари, шартлари ҳамда унга туртки бўлувчи омилларни аниқлашга эътибор қаратилмоқда. Бундай ёндашув...

Ижтимоий тармоқларда ҳуқуқий тарғибот: тавсиф, таҳлил ва тавсиялар

Ҳар бир инсоннинг ахборот олиш, тўплаш ва тарқатиш ҳуқуқи қонун билан кафолатланган. Аммо олинаётган ва тарқатилаётган ахборот ишончли, хавфсиз ва холис бўлиши, давлат ва...

Жиноятларни таснифлашнинг ижтимоий-ҳуқуқий аҳамияти

«2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси»га мувофиқ жиноят ва жиноят процессуал қонунчилигини такомиллаштириш мақсадида 2018 йил 14 майда Ўзбекистон...
- Advertisement -