More

    “Қамчиқ” довонида ҳарбий шаҳарча қурилиб, фойдаланишга топширилди (+фото)

    Мудофаа вазирлиги Тоифаланган объектларни қўриқлаш қўшинлари қўмондонлиги тасарруфидаги “Қамчиқ” довонида жойлашган ҳарбий қисм ҳарбий хизматчилар учун янги, ҳар томонлама қулай, барча зарур шарт-шароитларга эга ҳарбий шаҳарча қурилиб, фойдаланишга топширилди.

    “Қамчиқ” довонида жойлашган ушбу бўлинма денгиз сатҳидан 1350 метр баландликда жойлашган бўлиб, иқлим шароитига кўра Мудофаа вазирлигининг бошқа ҳарбий қисмларидан фарқ қилади.

    Бу ерда ҳарбий хизматни олиб боришнинг ўзига хос хусусиятларини инобатга олиб, шахсий таркибнинг ижтимоий ҳимоясини таъминлаш, улар учун хизматни ўташнинг хавфсиз шарт-шароитларини яратиш мақсадида, мудофаа вазири бошчилигида, вазирлик марказий аппаратининг манфаатдор бўлинмалари билан ҳамкорликда қиймати 24 миллиард сўмдан ортиқ бўлган қурилиш ишлари олиб борилди ва мутлақо янги кўринишдаги ҳарбий шаҳарча қад ростлади.

    Штаб биноси, Маданият ва маърифат маркази, Ёшлар иттифоқи хонаси, кутубхона, қоровулхона, капитал таъмирланган ва янги қурилган автотураргоҳ, ошхона, шартнома бўйича ҳарбий хизматчилар учун қурилган ётоқхона бинолари замон талабларига тўлиқ жавоб беради.

    Ҳарбий шаҳарчанинг тантанали очилиш маросимида Ўзбекистон мудофаа вазири, Тоифаланган объектларни қўриқлаш қўшинлари қўмондони, Шарқий ҳарбий округ қўшинлари қўмондони ҳамда жамоатчилик вакиллари иштирок этди.

    Мудофаа вазири ўз нутқида ушбу ҳарбий қисмда хизмат қилаётган ҳарбий хизматчиларга, уларнинг касбий маҳоратига ишонишини, шу сабабдан ҳам уларга юртимизнинг муҳим аҳамиятга эга бўлган тоифаланган объектларини қўриқлашни ишониб топширилганини алоҳида эътироф этди.

    Шунингдек, ҳарбий қисм командирига янги қуриб битказилган ҳарбий шаҳарчанинг рамзий калити ва мудофаа вазирининг совғаси – енгил автомобиль калити топширилди.

    Байрам муносабати билан ушбу ҳарбий қисмнинг бир қатор ҳарбий хизматчилари навбатдаги ҳарбий унвонлар, фахрий ёрлиқ ва пул мукофотлари билан тақдирландилар.

     

     

    Мудофаа вазирлиги Ахборот ва оммавий коммуникациялар департаменти

    Related articles

    Comments

    LEAVE A REPLY

    Please enter your comment!
    Please enter your name here

    Share article

    Latest articles

    Адлия вазирига ўринбосарлар тайинланди

    Адлия вазирлиги Жамоатчилик билан алоқалар бўлимининг хабар беришича, Қўчқоров Баҳром Тўлқинович Президент қарорига мувофиқ адлия вазирининг ўринбосари  этиб тайинланган. Маълумот берилишича, Б.Қўчқоров бундан олдин Ўзбекистон...

    Транспорт тизими барқарорлигини таъминлаш бўйича кўрсатмалар берилди

    Ўзбекистон Республикаси Президенти Шавкат Мирзиёев 25 май куни транспорт соҳасининг барқарор ишлашини таъминлаш ва изчил ривожлантириш масалалари бўйича йиғилиш ўтказди. Коронавирус пандемияси оқибатида бутун дунёда...

    2020–2025 йилларга мўлжалланган Ўзбекистон Республикасининг банк тизимини ислоҳ қилиш стратегияси тўғрисида

    Ўзбекистон Республикаси Президентининг ф а р м о н и Молиявий секторни изчил ислоҳ қилиш давомида қатор чора-тадбирлар амалга оширилди ва натижада илғор банк бизнесини юритиш...

    Ўзбекистон Республикаси Президенти Шавкат Мирзиёевнинг буюк Ғалабанинг 75 йиллиги ҳамда Хотира ва қадрлаш кунига бағишланган тантанали маросимдаги нутқи

    Ассалому алайкум, қадрли ватандошлар! Муҳтарам уруш ва меҳнат фахрийлари! Аввало, Ватанимизнинг ҳақиқий қаҳрамонлари бўлган сиз, азизларни, сизларнинг тимсолингизда кўпмиллатли бутун халқимизни Иккинчи жаҳон урушида эришилган буюк...

    Шавкат Мирзиёев «Матонат мадҳияси» ёдгорлик мажмуасига гул қўйди

    Бугун мамлакатимизда Хотира ва қадрлаш куни ҳамда Иккинчи жаҳон урушида қозонилган ғалабанинг 75 йиллиги кенг нишонланмоқда. Ўзбекистон Республикаси Президенти Шавкат Мирзиёев пойтахтимизда ўтказилаётган байрам тадбирларида...

    Newsletter

    Subscribe to stay updated.