0,00 UZS

No products in the cart.

14 C
London
Payshanba, May 13, 2021

Меҳнат ҳуқуқий муносабатлари. Низолар ва ечимлар

- Advertisement -
- Advertisement -

Ўзбекистон Республикаси Президентининг 2019 йил 13 декабрдаги “Конституция ва қонун устуворлигини таъминлаш, бу борада жамоатчилик назоратини кучайтириш ҳамда жамиятда ҳуқуқий маданиятни юксалтириш бўйича қўшимча чора-тадбирлар тўғрисида”ги Қарорида белгиланган устувор вазифалар ижросини таъминлаш мақсадида судларнинг оммавий ахборот воситалари билан ҳамкорлигини кучайтиришга алоҳида эътибор қаратилмоқда. Шу нуқтаи назардан Ўзбекистон Республикаси Олий суди ва оммавий ахборот воситалари вакиллари билан 2020 йилда одил судловни амалга оширишдаги муҳим йўналишлар ҳамда долзарб масалалар бўйича очиқ мулоқотлар ўтказиб бориш режалаштирилган. Мазкур режага мувофиқ жорий йил 22 январь куни ташкил этилган “Меҳнат ҳуқуқий муносабатларидан келиб чиқадиган низолар” мавзусидаги очиқ мулоқотда Олий суд  раисининг ўринбосари  Х. Ёдгоров, фуқаролик ишлари бўйича судлов ҳайъатининг судьялари, оммавий ахборот воситалари ҳамда бошқа мутасадди ташкилот вакиллари иштирок этди.

 Учрашувда 2019 йилда судлар томонидан кўрилган меҳнат ҳуқуқи билан боғлиқ ишлар юзасидан маълумот берилди. Қайд этилишича, республика фуқаролик ишлари бўйича судлари томонидан 2019 йилда жами 188 282 та ишлардан 4 233 та меҳнат низоларига оид ишлар кўрилган бўлиб, шундан 1 964 таси ишга тиклаш,  1 279  таси иш ҳақини ундириш,  196 таси ходим томонидан иш берувчига етказилган зарарни қоплаш ва 700 таси бошқа меҳнат низолари билан боғлиқ  ишларни ташкил этган.

Ўтган даврда 775  нафар ходимнинг суд қарори асосида  ишга тиклангани,  873  нафар ходимнинг иш ҳақи ундириб берилгани ҳануз иш берувчилар томонидан ходимнинг меҳнат ҳуқуқлари бузилаётганидан далолат беради. Айрим ташкилот, корхона  ва муассасалар мутасадди ходимларининг амалдаги меҳнат қонунчилиги талабларини билмаслиги бундай нохуш ҳолатларни келтириб чиқараётгани айни ҳақиқат.

Келгусида бу каби кўнгилсиз ҳолатларнинг, яъни  иш берувчи томонидан  ходимнинг меҳнат ҳуқуқлари бузилишининг олдини олиш борасида Олий суд томонидан  қатор чоралар  белгилангани, хусусан, иш берувчи  ҳамда ходимлар учун қўлланма тайёрланаётгани, кадрлар билан ишловчи ходимларнинг малакасини ошириш,  касаба  уюшмалари  билан  ҳамкорликда меҳнат қонунчилиги бузилишининг олдини олиш борасида кенг қамровли ишлар олиб борилиши режалаштирилаётгани таъкидланди. Табиийки, аҳолини меҳнат қонунчилиги билан таништириб боришда ОАВ вакиллари билан ҳамкорликнинг йўлга қўйилиши ҳам ўзига хос самара беради. Тадбир давомида бунга алоҳида урғу берилди.

Шунингдек, учрашувда Олий суд судьялари меҳнат низоларининг судга тааллуқлилиги, судга мурожаат қилиш муддатлари, меҳнат шартномасини бекор қилиш асослари ва тартибига оид масалаларда амалдаги Меҳнат кодекси талабларини тушунтириб беришди. Олий суд томонидан тайёрланган “Меҳнат ҳуқуқий муносабатларидан келиб чиқадиган низолар” номли 2 та амалий қўлланма иштирокчиларга тақдим этилди.

- Advertisement -

Latest news

Вояга етмаганларга нисбатан озодликдан маҳрум қилиш жазосини ижро этишда инсонпарварлик тамойиллари

Бугунги кунда жиноят ва жиноят-ижроия қонунчилигини такомиллаштириш ва либераллаштириш, жиноий жазолар ва уларни ижро этиш тартибини инсонпарварлик тамойиллари асосида йўлга қўйиш, қонун устуворлигини таъминлаш...
- Advertisement -

Коррупция тараққиёт тушови

Коррупция демократия ва ҳуқуқ устуворлиги асосларига путур етказиб, инсон ҳуқуқлари бузилишига олиб келади. Бозорлар фаолиятига тўсқинлик қилиб, турмуш сифатини ёмонлаштиради. Шунингдек, одамлар хавфсизлигига рахна...

Коррупцияга қарши курашишда муҳим омиллар

Ҳуқуқий онг ва маданиятни юксалтириб бориш қонун устуворлигини таъминлаш ҳамда мустаҳкамлашнинг муҳим шартларидан биридир. Аҳолининг ҳуқуқий онги ва маданиятини юксалтиришни мунтазам такомиллаштириб бориш алоҳида аҳамиятга...

Хорижий мамлакатлар жиноят процессида реабилитация институти

Ҳар қандай ҳуқуқий давлат учун асосий вазифалардан бири жиноят содир этган шахсларни адолатли жазолашдир. Шу билан бирга айбсиз одамнинг нафақат судга берилиши, балки жиноий...

Related news

Вояга етмаганларга нисбатан озодликдан маҳрум қилиш жазосини ижро этишда инсонпарварлик тамойиллари

Бугунги кунда жиноят ва жиноят-ижроия қонунчилигини такомиллаштириш ва либераллаштириш, жиноий жазолар ва уларни ижро этиш тартибини инсонпарварлик тамойиллари асосида йўлга қўйиш, қонун устуворлигини таъминлаш...

Коррупция тараққиёт тушови

Коррупция демократия ва ҳуқуқ устуворлиги асосларига путур етказиб, инсон ҳуқуқлари бузилишига олиб келади. Бозорлар фаолиятига тўсқинлик қилиб, турмуш сифатини ёмонлаштиради. Шунингдек, одамлар хавфсизлигига рахна...

Коррупцияга қарши курашишда муҳим омиллар

Ҳуқуқий онг ва маданиятни юксалтириб бориш қонун устуворлигини таъминлаш ҳамда мустаҳкамлашнинг муҳим шартларидан биридир. Аҳолининг ҳуқуқий онги ва маданиятини юксалтиришни мунтазам такомиллаштириб бориш алоҳида аҳамиятга...

Хорижий мамлакатлар жиноят процессида реабилитация институти

Ҳар қандай ҳуқуқий давлат учун асосий вазифалардан бири жиноят содир этган шахсларни адолатли жазолашдир. Шу билан бирга айбсиз одамнинг нафақат судга берилиши, балки жиноий...
- Advertisement -