0,00 UZS

No products in the cart.

11.8 C
London
Payshanba, Sentabr 23, 2021

ISО 9001 СИФАТ МЕНЕЖМЕНТИ ТИЗИМИ НИМА УЧУН МУҲИМ?

- Advertisement -
- Advertisement -

Сифат соҳасидаги сиёсат ва мақсад, ресурслар мавжудлиги (ишчилар, моддий, молиявий ва ахборот таъминоти), мақсадга эришишнинг баён этилган алгоритми (жараёнлар, босқичлар ва ҳужжатлар) ҳамда ташкилий тузилма каби асосий элементларни қамраб оладиган ISО 9001 сифат менежменти тизими фаолият самадорлигини белгилашда ҳал қилувчи рол ўйнайди.

Хўш, дунёга машҳур ISО 9001 сифат менежменти тизими нега бунчалик муҳим аҳамият касб этади? Аввало, ушбу тизим дунё миқёсида қабул қилинган сифат менежменти бўлиб, мижозлар талаблари, эҳтиёжлари ва тартибга солувчи талабларини қондириш орқали мижозлар эҳтиёжини оширишни назарда тутади. Ушбу стандарт асосан бошқариш механизми ҳисобланиб, унинг мақсади хатолар ва нуқсонларни камайтириш, йўқ қилиш ва олдини олишга қаратилган. Яъни, стандарт маҳсулот ва хизматларнинг сифати билан эмас, балки бошқарув тизимининг сифатига бевосита боғлиқдир.

Энг муҳими, ISO 9001 стандарти мураккаб бўлмаган умумий талабларни қамраб олади ва уни катта ёки кичик миқёсидан қатъи назар, ҳар қандай секторда қўлласа бўлади. Натижада, самарали сифат менежменти тизими яратилса, мижозлар эҳтиёжларини қондириш учун сифатли маҳсулотлар ва хизматлар ишлаб чиқаришга замин яратади.

Шу боис ҳам, дунё миқёсида 180 мамлакатдаги миллиондан ортиқ ташкилотлар сертификатлаштирилган. 9001 стандарти Халқаро стандартлаштириш ташкилоти (ISO) томонидан эълон қилинган 9000 серияли стандартлардан мувофиқликни баҳолаш учун ишлатилиши мумкин бўлган ягона стандартдир.

Шу ўринда қайд этиш жоизки, сифат менежменти тизими корхонанинг барча бўлинмаларига тааллуқли. Сифат тизимини амалга ошириш учун бошқарув ходимлари томонидан аниқ ёзма йўриқномалар (меъёрлар, низомлар) ишлаб чиқилиб, ҳар бир ходим ушбу йўриқномаларга мувофиқ ишлаши ва ишлаб чиқариш жараёнининг ҳар бир босқичида ишни сифатли бажариши учун татбиқ этилади.

Бундан ташқари, ишлаб чиқариш жараёнига жалб этилган тузилмавий бўлинмалар ўз фаолиятида сифат менежменти тизими бўйича ҳужжатлардан фойдаланишади. Бу эса ишлаб чиқарилаётган маҳсулот сифатини яхшилашнинг узлуксиз жараёнини таъминлайди.

Шунингдек, сифат тизимини таъминлаш ва такомиллаштириш билан машғул бўлган ходимлар мунтазам равишда ўқув курсларида малака оширишдан ўтишади. Яна бир муҳим жиҳати, сифат менежменти тизимининг ҳужжатлари корхона ходимлари томонидан вақти-вақти билан қайта кўриб чиқилади ва муҳимлиги аниқланади. Тизим талаблари ижросининг ички тафтиши ва кузатишнинг узлуксиз жараёни амалга оширилади.

Ушбу жараёнда ташкилотда турли ўқитиш усуллари ҳамда ташкилот инфратузилмасини ва ишлаб чиқариш шароитларини такомиллаштириш, меҳнат шароитларини яхшилаш, юқори сифатли маҳсулот ишлаб чиқариш учун ходимларни рағбатлантириш тизимидан фаол фойдаланиш йўли билан ходимларнинг касбий маҳорати ва малакасини мунтазам равишда ошириш муҳим ҳисобланади. Энг муҳими, ишларни бажаришнинг янги, юқори технологияга асосланган усулларини мунтазам равишда татбиқ этиш, замонавий механизмлардан кенг кўламда фойдаланиш таъминланади.

Мамлакатимизда ҳам юқорида қайд этилган талабларга қатъий риоя этган ҳолда фаолият юритиб, ижобий натижаларга эришаётган ташкилотлар кўплаб топилади.

Жумладан, ўтган йиллар давомида юртимиздаги барча соҳалар қатори, адлия тизимидаги ташкилот ва муассасаларининг самарали фаолияти аҳолининг муносиб давлат ва ҳуқуқий хизматлари билан қамраб олинишини таъминламоқда. Бу эса одамларнинг узоғини яқин қилиш, маблағларини тежаш, кундалик ҳаётда дуч келиши мумкин бўлган турли асаббузарликларнинг олдини олишда муҳим ўрин тутмоқда.

Изчил саъй-ҳаракатлар коррупция ва буюрократия каби иллатларига барҳам бериш, аҳоли орасида ҳуқуқий саводхонликнинг ошиб бориши, энг муҳими, халқимизнинг давлатимиз олиб бораётган ислоҳотлардан рози бўлишларига замин яратмоқда.

Ушбу кенг кўламли саъй-ҳаракатлар, шубҳасиз, ISO 9001 сифат менежменти тизими стандартига мос келади.

Акмал ТОШЕВ,
журналист

- Advertisement -

Latest news

Энди шанба ва якшанба кунлари ҳам ҳайдовчилик гувоҳномангизни алмаштиришингиз мумкин

Сўнгги кунларда Давлат хизматлари марказларида ҳайдовчилик гувоҳномасини янги намунадагисига алмаштириш хизматидан фойдаланиш учун ташриф буюрувчилар оқими ортган. Бу эса, Марказларимизда узун навбатларнинг ҳосил бўлишига...
- Advertisement -

“Адлиядан адлиягача” ҳуқуқий марши ўтказилди

28 август куни давлатимиз Мустақиллигининг 30 йиллиги шодиёналари арафасида Тошкент шаҳрида “Адлиядан адлиягача” ҳуқуқий марши ташкил этилди. Аҳоли учун фойдали ва зарур тадбирларни мунтазам...

Супер-контрактга кирганлар таълим кредити олиши мумкинми?

САВОЛ: Супер-контрактга кирганлар таълим кредити олиши мумкинми? ЖАВОБ: Супер-контрактга кирганлар 1-курсда, яъни супер-контракт тўланадиган йили таълим кредити ололмайди. Аммо 2-курсдан бошлаб, бемалол таълим кредити олиши мумкин. Таълим кредитининг...

Қандай ҳолларда меҳнат шартномаси иш берувчининг ташаббуси билан бекор қилинади?

Номуайян муддатга тузилган меҳнат шартномасини ҳам, муддати тугагунга қадар муддатли меҳнат шартномасини ҳам иш берувчининг ташаббуси билан бекор қилиш асосли бўлиши шарт. Қуйидаги сабаблардан бирининг...

Related news

Энди шанба ва якшанба кунлари ҳам ҳайдовчилик гувоҳномангизни алмаштиришингиз мумкин

Сўнгги кунларда Давлат хизматлари марказларида ҳайдовчилик гувоҳномасини янги намунадагисига алмаштириш хизматидан фойдаланиш учун ташриф буюрувчилар оқими ортган. Бу эса, Марказларимизда узун навбатларнинг ҳосил бўлишига...

“Адлиядан адлиягача” ҳуқуқий марши ўтказилди

28 август куни давлатимиз Мустақиллигининг 30 йиллиги шодиёналари арафасида Тошкент шаҳрида “Адлиядан адлиягача” ҳуқуқий марши ташкил этилди. Аҳоли учун фойдали ва зарур тадбирларни мунтазам...

Супер-контрактга кирганлар таълим кредити олиши мумкинми?

САВОЛ: Супер-контрактга кирганлар таълим кредити олиши мумкинми? ЖАВОБ: Супер-контрактга кирганлар 1-курсда, яъни супер-контракт тўланадиган йили таълим кредити ололмайди. Аммо 2-курсдан бошлаб, бемалол таълим кредити олиши мумкин. Таълим кредитининг...

Қандай ҳолларда меҳнат шартномаси иш берувчининг ташаббуси билан бекор қилинади?

Номуайян муддатга тузилган меҳнат шартномасини ҳам, муддати тугагунга қадар муддатли меҳнат шартномасини ҳам иш берувчининг ташаббуси билан бекор қилиш асосли бўлиши шарт. Қуйидаги сабаблардан бирининг...
- Advertisement -