Фуқароларнинг бузилган ҳуқуқлари тикланмоқда

Ижтимоий соҳадаги қонунчилик ижроси юзасидан ўтказилаётган ўрганишларда фуқароларнинг бузилган ҳуқуқлари тикланмоқда.

Қорақалпоғистон Республикаси сув спорт турлари бўйича ихтисослаштирилган болалар ва ўсмирлар спорт мактабида ўтказилган текширишда, Ўзбекистон Республикаси Меҳнат кодексининг 84-моддаси талаби бузилганлиги аниқланган.

Хусусан, Ўзбекистон Республикаси Меҳнат кодексининг 84-моддасига кўра, ҳомиладор аёллар, уч ёшга тўлмаган боласи бор аёллар, корхона учун белгиланган минимал иш жойлари ҳисобидан ишга юборилган шахслар, ўрта махсус, касб-ҳунар таълими муассасаларининг ҳамда олий ўқув юртларининг тегишли таълим муассасасини тамомлаган кундан эътиборан уч йил ичида биринчи бор ишга кираётган битирувчилари ишга қабул қилинганда, шунингдек ходимлар билан олти ойгача муддатга меҳнат шартномаси тузилиб, ишга қабул қилинганда дастлабки синов белгиланмайди.

Республика сув спорт турлари бўйича ихтисослаштирилган болалар ўсмирлар спорт мактаби директорининг 16.10.2019 йилдаги 127-сонли буйруғи билан коллеж битирувчилари Д.К.ни, 15.10.2019 йилдаги 01-52-сонли буйруқ билан А.М.ни, 08.10.2019 йилдаги 131-к-сонли буйруғи билан олий таълим билим юртини тугатган ва биринчи бор ишга кираётган Д.Б.ни 3 ой синов муддати билан ишга кабул килинганлиги аниқланган.

Мазкур қонунга зид буйруқлар Қорақалпоғистон Республикаси прокуратураси томонидан келтирилган протестларга асосан бекор қилиниб, қонунга мувофиқлаштирилиб, фуқароларнинг ҳуқуқлари тикланган.