Директор ўринбосари ушланди

Касб-ҳунар коллежига ўқишга киритишни ваъда қилган директор ўринбосари ушланди, дея хабар қилмоқда Бош прокуратура расмий телеграм канали.

Бош прокуратура ҳузуридаги Департаментнинг Узун туман бўлими ва туман прокуратураси ходимлари билан ҳамкорликда ўтказилган тезкор тадбирда Сариосиё тумани Агросаноат касб-ҳунар коллежи директори ўринбосари И.М. ушбу коллежга ўқишга жойлаштириш ҳамда келгусида танишлари орқали тумандаги Педагогика касб-ҳунар коллежига ўқишни кўчиртириб бериш эвазига фуқаро Н.Н.дан 8 млн. 700 минг сўм пулларни олган вақтида ашёвий далиллар билан ушланган.

Мазкур ҳолат юзасидан И.М.га нисбатан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.