Бош прокурор: Ижтимоий тармоқларда тарқалаётган қонунбузилиши ҳолатларига прокурорлар қатъий муносабат билдиради

Президентимиз Шавкат Мирзиёевнинг халқимизга мурожаатномасида нима сабабдан судгача бўлган тергов жараёнида инсон ҳуқуқ ва эркинликлари бузилган, деган саволни ҳам кўндаланг қўядиган, тазйиқлар учун жавоб берадиган вақт келганини алоҳида қайд этган эди. 
Эски тузумдан қолган ва ҳануз давом этаётган суд қарорларини прокуратура томонидан чақириб олиб, ўрганиш амалиётини чеклаш лозим. Энди фақат иш юзасидан шикоят келиб тушган ҳолдагина прокурор суд қарорини олиб ўрганиши мумкин.
Ўзбекистон Республикаси Бош прокуратурасида прокуратура органлари ходимлари иштирокида ўтказилган кенгайтирилган ҳайъат мажлисида шу масалага эътибор қаратилди.
photo_2020-02-09_11-57-35 (2).jpg
Бош прокурор Н.Йўлдошев прокуратура органлари манзилига айтилаётган бу каби асосли танқидлардан хулоса чиқариш, фаолиятни бугунги кун талабларига мувофиқлаштириш зарурлигига эътибор қаратди. Биз бу бўйича парламент ва Президентга ҳисоб берамиз.
Айни пайтда тизимда шу йўналишда амалий ишлар олиб борилмоқда.
Қисқа даврда тизимни номуносиб ходимлардан тозалаш мақсадида 98 нафар ходим ишдан бўшатилди, 282 нафари лавозимидан озод қилинди. Бу ишлар бундан кейин ҳам давом эттирилади.
photo_2020-02-09_11-57-35.jpg
Судларда ишлар кўрилишида фуқароларнинг ҳуқуқ ҳамда эркинликларини, жамият ва давлатнинг қонун билан қўриқланадиган манфаатларини ҳимоя қилиш асосий мақсадга айланди. Прокурор протестларига асосан жиноий судларнинг 1 минг 997 нафар шахсга нисбатан қарорлари, шунингдек фуқаролик судларининг 1 минг 455 та, иқтисодий судларнинг 786 та, маъмурий судларнинг 1 минг 85 та қарорлари ўзгартирилиши ёки қонунга мувофиқлаштирилиши таъминланди.
Бош прокурор ижтимоий тармоқларда кенг тарқалаётган инсон ҳуқуқларини поймол этиш, қийноққа солиш билан боғлиқ ҳар бир ҳолатга нисбатан прокурорлар қатъий муносабат билдириб боришини ҳам алоҳида қайд этди.
photo_2020-02-09_11-57-36.jpg