0,00 UZS

No products in the cart.

4.3 C
London
Yakshanba, Fevral 28, 2021

Қуролли Кучлар миқёсида ўтказилган “Энг илғор мутахассис” танловининг ғолиб ва совриндорлари аниқланди

- Advertisement -
- Advertisement -

Ўзбекистон Мудофаа вазирлигига қарашли  Жиззах вилоятидаги «Фориш» тоғ дала-ўқув  полигонида Ўзбекистон Қуролли Кучлари миқёсидаги «Энг илғор мутахассис» кўрик-танловининг республика босқичи ўтказилди.

Ушбу нуфузли мусобақада Мудофаа вазирлиги тасарруфидаги ҳарбий округ ва бўлинмалар билан бир қаторда Ички ишлар вазирлиги Қоровул қўшинлари бўлинмалари ҳамда Давлат хавфсизлик хизмати чегара қўшинлари ҳарбий хизматчилари ўзаро куч, салоҳият ва касбий маҳоратини синовдан ўтказди.

«Мен ғолиб!» шиори остида ўтказилган мазкур мусобақа ҳарбий хизматчилар ўртасида соғлом рақобат муҳитини шакллантириш, улар орасидан энг илғорларини аниқлаб, масъул лавозимларга тайинлаш ҳамда истиқболли кадрлар захирасига киритиш, кичик ва ўрта командирлик лавозимидаги ҳарбий хизматчиларнинг профессионал интилишини рағбатлантириш, касбий маҳорати ва билимларини юксалтиришга қаратилган.

Округлар миқёсида саралаб олиниб, танловнинг якуний босқичида иштирок этган ҳарбий хизматчилар «Энг илғор ҳарбий қисм командири», «Энг илғор батальон командири», «Энг илғор взвод командири», «Энг илғор гуруҳ командири», «Энг илғор сержант» номинациялари бўйича беллашди.

Дастлаб жисмоний тайёргарлик ҳамда отиш тайёргарлиги бўйича белгиланган меъёрларни муваффақиятли бажарган танлов иштирокчилари қисқа вақт ичида автоматни нотўлиқ қисмларга ажратиш ва йиғиш, ўқдонни ўқ билан тўлдириш ва бўшатиш, нишонларга ўқ отиш, граната улоқтириш каби топшириқларни бажарди. Бундан ташқари, турникда тортилиш, 100 метр ва 3 километр масофага югуриш, «Разведкачилар йўлаги» мажмуавий тўсиқларидан ўтиш бўйича амалий меъёрлар бўйича кўникмаларини намойиш этишди.

Беш кун давом этган беллашувда ҳарбий топография, техник ва тактик тайёргарлик бўйича белгиланган амалий топшириқлар, мутахассислик бўйича тест синови, ўқув фильми ва рефератлар текширилди. Мудофаа вазирлиги томонидан тайинланган масъул офицерлардан иборат ҳакамлар ҳайъати ҳар бир лаҳзани синчиклаб кузатди ва холисона баҳолади.

Танловнинг тантанали ёпилиш маросимида иштирок этган Ўзбекистон мудофаа вазири генерал-майор Баҳодир Қурбонов ушбу мусобақанинг нуфузи йилдан-йилга юксалиб бораётгани эришилган юқори натижаларда яққол акс этганини таъкидлади.

Эслатиб ўтамиз, «Энг илғор мутахассис» кўрик-танловининг республика босқичи ғолиблари 2020 йил 14 январь – Ватан ҳимоячилари кунида тантанали тарзда тақдирланади.

Мудофаа вазирлиги Ахборот ва оммавий коммуникациялар департаменти

- Advertisement -

Latest news

Жиноятларни таснифлашнинг ижтимоий-ҳуқуқий аҳамияти

«2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси»га мувофиқ жиноят ва жиноят процессуал қонунчилигини такомиллаштириш мақсадида 2018 йил 14 майда Ўзбекистон...
- Advertisement -

Асосий мақсад – одамларга осон бўлсин

Мамлакатимизда «Халқ қонунларнинг том маънода ягона манбаи ва муаллифи ҳисобланади» ҳамда «Барча муҳим қарорлар бевосита халқ билан мулоқот асосида, жамоатчиликнинг фикрини ҳисобга олган ҳолда...

Меҳнат стажига эга эмасмисиз? Стажингиз етарли эмасми?

Фрилансерлар, меҳнат мигрантлари ва деҳқон хўжалиги, томорқа ер эгалари  учун фойдали маслаҳатлар Ўзбекистон Республикасининг «Фуқароларнинг давлат пенсия таъминоти тўғрисида»ги қонунига кўра пенсиянинг уч тури мавжуд. Булар: • ёшга...

Ҳуқуқни талаб қилиш учун ҳам билим керак

Ўзбекистон Республикаси Конституциясида фуқароларнинг ҳуқуқ ва эркинликлари тўла кафолатланган бўлиб, 44-моддага кўра ҳар бир шахс ўз ҳуқуқ ва эркинликларини суд орқали ҳимоя қилиш, давлат...

Related news

Жиноятларни таснифлашнинг ижтимоий-ҳуқуқий аҳамияти

«2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси»га мувофиқ жиноят ва жиноят процессуал қонунчилигини такомиллаштириш мақсадида 2018 йил 14 майда Ўзбекистон...

Асосий мақсад – одамларга осон бўлсин

Мамлакатимизда «Халқ қонунларнинг том маънода ягона манбаи ва муаллифи ҳисобланади» ҳамда «Барча муҳим қарорлар бевосита халқ билан мулоқот асосида, жамоатчиликнинг фикрини ҳисобга олган ҳолда...

Меҳнат стажига эга эмасмисиз? Стажингиз етарли эмасми?

Фрилансерлар, меҳнат мигрантлари ва деҳқон хўжалиги, томорқа ер эгалари  учун фойдали маслаҳатлар Ўзбекистон Республикасининг «Фуқароларнинг давлат пенсия таъминоти тўғрисида»ги қонунига кўра пенсиянинг уч тури мавжуд. Булар: • ёшга...

Ҳуқуқни талаб қилиш учун ҳам билим керак

Ўзбекистон Республикаси Конституциясида фуқароларнинг ҳуқуқ ва эркинликлари тўла кафолатланган бўлиб, 44-моддага кўра ҳар бир шахс ўз ҳуқуқ ва эркинликларини суд орқали ҳимоя қилиш, давлат...
- Advertisement -