0,00 UZS

No products in the cart.

19.7 C
London
Seshanba, Iyul 7, 2020

Ўзбекистон Қуролли Кучлари академиясида Туркия мудофаа вакиллари билан ҳамкорликда халқаро анжуман ўтказилди

- Advertisement -
- Advertisement -

Ўзбекистон Қуролли Кучлари академиясида «Туркия Куролли Кучларини замонавий ҳарбий можароларда, Афғонистон ва Яқин Шарқда юзага келаётган вазият шароитида қўллаш тажрибаси» мавзусида ҳалқаро ҳарбий-илмий анжуман ўтказилди.

Унда ҳар икки мамлакат Мудофаа вазирлиги масъул офицерлари, Ўзбекистон Қуролли Кучлари академияси, Туркия Миллий мудофаа университети вакиллари, профессор-ўқитувчилар иштирок этди. Таъкидлаш керакки, Туркия Республикаси билан икки томонлама ҳамкорлик режасига мувофиқ ташкил этилган ушбу тадбирнинг асосий мақсади замонавий ҳарбий можароларнинг ҳусусиятлари бўйича маълумот ва фикр алмашиш учун майдон яратиш, уларда Қуролли Кучлар бўлинмаларини Туркия армияси мисолида қўллаш тажрибасини ўрганишдан иборат.

Анжуманда дунёда ва минтақада юзага келаётган ҳарбий-сиёсий вазият, Марказий Осиёдаги минтақавий ҳамкорлик ҳамда замонавий ҳарбий можароларда Туркия Қуролли Кучларини қўллаш тажрибаси, ҳарбий машғулотлар мобайнида қўшинларни бошқариш, уларнинг ҳар томонлама таъминоти ва жанговар тайёргарлик тизимини такомиллаштиришга доир маърузалар йиғилганларда катта қизиқиш уйғотди.

Шунингдек, Туркия вакиллари билан икки томонлама учрашув ўтказилди, унда икки мамлакат олий ҳарбий таълим муассасалари билан ҳарбий кадрларни тайёрлаш ва педагогик фаолият бўйича тажриба алмашиш масалалари бўйича ҳамкорликни янада чуқурлаштириш истиқболлари муҳокама қилинди.

Ялпи мажлисдан сўнг куннинг иккинчи ярмида анжуман иши учта мавзувий шўъбага бўлинган ҳолда давом этди. Анжуман иштирокчилари ҳарбий бошқарув тизими ва уларнинг жанговар ҳаракатлардаги таъминотини ташкиллаштириш бўйича тажриба алмашиб, янги билимларга эга бўлди.

Ўзаро конструктив мулоқот ва қизғин муҳокама руҳида ўтган анжуман доирасида Туркия делегацияси вакиллари Ўзбекистон Қуролли Кучлари академиясида таълим олиш учун яратилган шароитлар, масофадан ўқитиш имкониятига эга бўлган мавзувий синфлар, ахборот-ресурс маркази ва академия музейидаги осори-атиқалар билан яқиндан танишди.

Мухтасар айтганда, икки давлат томонидан Марказий Осиё ва дунёнинг турли мамлакатлари ўртасида минтақавий ҳамкорликни жадал ривожлантириш, тинчлик тамойилини барқарорлаштириш борасида олиб борилаётган саъй-ҳаракатлар юқори баҳоланди.

 Мудофаа вазирлиги Ахборот ва оммавий коммуникациялар департаменти

- Advertisement -

Latest news

Сенатор – Кенгаш – судлар

Сирдарё вилояти Гулистон шаҳрида жорий йилнинг 30 июнь куни Президентимиз раҳбарлигида одил судловни таъминлаш ҳамда коррупцияга қарши курашиш тизимини такомиллаштириш чора-тадбирлари юзасидан ўтказилган кенгайтирилган...
- Advertisement -

Суд жараёнини ёритишда журналистнинг нега «қўли» калта?

Ҳаёт биз ўйлаганчалик силлиқ эмас, унинг тоғдан ҳам баланд довонлари бор. Ҳаёт биз ўйлаган каби фақат яхшиликдан, фақат оқ ранглардан иборат эмас. Унинг разилликдан...

Хизмат вазифасини бажараётган шахсни ҳақорат қилиш жиноий жавобгарликка асос бўлади

Ж.Р. 2020 йил 18 март куни ўзи яшаб келаётган уйнинг унга расмийлаштирилмаётганлиги ҳолатидан норози бўлиб, Ўзбекистон Республикаси Президенти Ишонч телефонига мурожаат қилган ва ушбу...

Андижон шаҳрида содир бўлган воқеа юзасидан баёнот

2020 йил 30 май куни Республика шошилинч тез-тиббий ёрдам илмий маркази Андижон филиалига Андижон шаҳар, Наврўз маҳалла фуқаролар йиғини, Салоҳият кўчасида яшовчи фуқаро А.Абдукаримов...

Related news

Сенатор – Кенгаш – судлар

Сирдарё вилояти Гулистон шаҳрида жорий йилнинг 30 июнь куни Президентимиз раҳбарлигида одил судловни таъминлаш ҳамда коррупцияга қарши курашиш тизимини такомиллаштириш чора-тадбирлари юзасидан ўтказилган кенгайтирилган...

Суд жараёнини ёритишда журналистнинг нега «қўли» калта?

Ҳаёт биз ўйлаганчалик силлиқ эмас, унинг тоғдан ҳам баланд довонлари бор. Ҳаёт биз ўйлаган каби фақат яхшиликдан, фақат оқ ранглардан иборат эмас. Унинг разилликдан...

Хизмат вазифасини бажараётган шахсни ҳақорат қилиш жиноий жавобгарликка асос бўлади

Ж.Р. 2020 йил 18 март куни ўзи яшаб келаётган уйнинг унга расмийлаштирилмаётганлиги ҳолатидан норози бўлиб, Ўзбекистон Республикаси Президенти Ишонч телефонига мурожаат қилган ва ушбу...

Андижон шаҳрида содир бўлган воқеа юзасидан баёнот

2020 йил 30 май куни Республика шошилинч тез-тиббий ёрдам илмий маркази Андижон филиалига Андижон шаҳар, Наврўз маҳалла фуқаролар йиғини, Салоҳият кўчасида яшовчи фуқаро А.Абдукаримов...
- Advertisement -

LEAVE A REPLY

Please enter your comment!
Please enter your name here