0,00 UZS

No products in the cart.

16.5 C
London
Dushanba, May 10, 2021

Ўзбекистон ва Россия ҳарбийларининг ҳамкорликдаги қўшма ўқув машғулотлари ўтказилди

- Advertisement -
- Advertisement -

Шарқий ҳарбий округ “Ғурумсарой” дала-ўқув майдонда “Шарқ – 2019” Ўзбекистон ва Россия Федерация ҳарбий хизматчиларининг ҳамкорликдаги тактик ўқув машғулотлари бўлиб ўтди.

Ҳамкорликдаги махсус-тактик ўқув машғулотларида қатнашиш учун юртимизга келган Россиялик ҳарбий хизматчилар  ўзбекона меҳмондўстлик билан кутиб олинди.

Дастлаб, “Ғурумсарой” дала-ўқув майдонида икки давлат ҳарбий хизматчилари иштирокида брифинг ўтказилиб, ҳамкорликлаги машқларни ўтказиш билан боғлиқ масалалар келишиб олинди.

“Шарқ – 2019” ҳамкорликдаги  ўқув машғулотларининг очилишига бағишланган маросимда таъкидланганидек, ушбу машқлар ҳар икки томон учун ҳам жанговар салоҳият, профессионал тайёргарлик бўйича билимларни ошириш ҳамда халқаро терроризмга қарши курашда тажриба алмашишларида муҳим ўрин тутади.

Бир нечта ўқув жойларида иштирокчилар билан жанговар ва махсус тактик тайёргарлик йўналишларида машғулотлар ташкил этилди. Бўлинмалар олдига қўйилган ўқув вазифага кўра, шартли душман объектларини қидириб топиш, ҳаракатланиш вақтида қўққисдан пайдо бўлган кичик гуруҳларни яксон қилиш талаб этилди. Бунда асосий эътибор, ҳарбий хизматчиларнинг жипслигини таъминлаш, бир-бирини қўллаган ҳолда душман объектига талофат етказиш кабилар бўйича амалий машғулотлар ўтказилди.

Машғулотлар давомида ҳамкорликдаги ўқув қатнашчилари қурол-аслаҳа ва анжомлари билан 5 км масофага марш югуриш машқларига жалб этилиб, бунда уларнинг абжирлиги, чидамлилиги синовдан ўтган бўлса, тоғ тайёргарлигидан мураккаб тўсиқлар йўлагидан ўтиш, ярадорларни эвакуация қилиш машқларини ҳам катта маҳорат билан бажаришди.

 “Шарқ – 2019” ҳамкорликдаги ўқувлари давомида тунги шароитда ҳам машғулотлар ўтказилди. Режага кўра, чегара худудларида қўпорувчилик ҳаракатларини режалаштирган жангари тўдани аниқлаш ва яксон қилиш вазифаси юклатилди.

Шартли душман эҳтимол тутилган ҳудудда разведка ишлари ўтказилиб, олинган маълумотлар зудлик билан юқори қўмондонликка етказилди. Бўлинма командири томонидан тегишли қарор қабул қилингач, қўққисдан ҳужум бошланди. Шартли душман объектлари ва уларнинг жанговар техникалари нишонга олинди. Ҳамкорликдаги бўлинмаларнинг тезкор ва шиддатли ҳаракати туфайли шартли террорчилар тўдаси батамом тор-мор қилинди.

Ҳамкорликдаги ўқувларининг тантанали ёпилиш маросимида машғулотлар юксак савияда ўтганлиги, машқлар икки давлат ҳарбийларига тажриба алмашишлари учун катта имконият яратгани алоҳида эътироф этилди.

Мудофаа вазирлиги Ахборот ва оммавий коммуникациялар департаменти

- Advertisement -

Latest news

Вояга етмаганларга нисбатан озодликдан маҳрум қилиш жазосини ижро этишда инсонпарварлик тамойиллари

Бугунги кунда жиноят ва жиноят-ижроия қонунчилигини такомиллаштириш ва либераллаштириш, жиноий жазолар ва уларни ижро этиш тартибини инсонпарварлик тамойиллари асосида йўлга қўйиш, қонун устуворлигини таъминлаш...
- Advertisement -

Коррупция тараққиёт тушови

Коррупция демократия ва ҳуқуқ устуворлиги асосларига путур етказиб, инсон ҳуқуқлари бузилишига олиб келади. Бозорлар фаолиятига тўсқинлик қилиб, турмуш сифатини ёмонлаштиради. Шунингдек, одамлар хавфсизлигига рахна...

Коррупцияга қарши курашишда муҳим омиллар

Ҳуқуқий онг ва маданиятни юксалтириб бориш қонун устуворлигини таъминлаш ҳамда мустаҳкамлашнинг муҳим шартларидан биридир. Аҳолининг ҳуқуқий онги ва маданиятини юксалтиришни мунтазам такомиллаштириб бориш алоҳида аҳамиятга...

Хорижий мамлакатлар жиноят процессида реабилитация институти

Ҳар қандай ҳуқуқий давлат учун асосий вазифалардан бири жиноят содир этган шахсларни адолатли жазолашдир. Шу билан бирга айбсиз одамнинг нафақат судга берилиши, балки жиноий...

Related news

Вояга етмаганларга нисбатан озодликдан маҳрум қилиш жазосини ижро этишда инсонпарварлик тамойиллари

Бугунги кунда жиноят ва жиноят-ижроия қонунчилигини такомиллаштириш ва либераллаштириш, жиноий жазолар ва уларни ижро этиш тартибини инсонпарварлик тамойиллари асосида йўлга қўйиш, қонун устуворлигини таъминлаш...

Коррупция тараққиёт тушови

Коррупция демократия ва ҳуқуқ устуворлиги асосларига путур етказиб, инсон ҳуқуқлари бузилишига олиб келади. Бозорлар фаолиятига тўсқинлик қилиб, турмуш сифатини ёмонлаштиради. Шунингдек, одамлар хавфсизлигига рахна...

Коррупцияга қарши курашишда муҳим омиллар

Ҳуқуқий онг ва маданиятни юксалтириб бориш қонун устуворлигини таъминлаш ҳамда мустаҳкамлашнинг муҳим шартларидан биридир. Аҳолининг ҳуқуқий онги ва маданиятини юксалтиришни мунтазам такомиллаштириб бориш алоҳида аҳамиятга...

Хорижий мамлакатлар жиноят процессида реабилитация институти

Ҳар қандай ҳуқуқий давлат учун асосий вазифалардан бири жиноят содир этган шахсларни адолатли жазолашдир. Шу билан бирга айбсиз одамнинг нафақат судга берилиши, балки жиноий...
- Advertisement -