0,00 UZS

No products in the cart.

7.1 C
London
Dushanba, Dekabr 5, 2022

Партиялар депутатликка номзодлар рўйхатини тақдим этмоқда

- Advertisement -
- Advertisement -
Сайлов – 2019
 
Ўзбекистон Республикаси Марказий сайлов комиссиясига “Миллий тикланиш” демократик партияси ҳамда Ўзбекистон Экологик партияси депутатликка номзодларнинг рўйхатини тақдим этди.

Марказий сайлов комиссиясида ушбу партиялар раҳбарларининг Қонунчилик палатаси депутатлигига номзодларни рўйхатга олишни илтимос қилиб киритган аризаси қабул қилинди.

Сайлов кодексига мувофиқ, партиялар депутатликка номзодлар рўйхатини Марказий сайлов комиссиясига тақдим этади. Бу ҳақдаги мурожаатда сиёсий партия юқори органининг депутатликка номзодлар кўрсатиш тўғрисидаги қарори, сиёсий партия юқори органи мажлисининг депутатликка номзодлар кўрсатиш тўғрисидаги баённомаси, унда депутатликка номзоднинг фамилияси, исми, отасининг исми, туғилган санаси, касби, лавозими (машғулотининг тури), иш ва яшаш жойи, партияга мансублиги, шунингдек, сайлов округининг номи ва тартиб рақами кўрсатилади.

Шунингдек, депутатликка номзоднинг ўз номзоди тегишли сайлов округидан овозга қўйилишига рози эканлиги тўғрисидаги аризаси, депутатликка номзоднинг, башарти у Қонунчилик палатаси депутати этиб сайлангудек бўлса, эгаллаб турган лавозимидан бўшаш тўғрисидаги аризаси илова қилинади.

Ҳужжатларни тақдим этган шахсга Марказий сайлов комиссияси ҳужжатлар қабул қилиб олинган сана ва вақт кўрсатилган маълумотнома беради. Марказий сайлов комиссияси сиёсий партиялардан депутатликка номзодларни рўйхатга олиш учун ҳужжатларни қабул қилишни рўйхатга олиш муддати тугалланишига етти кун қолганида якунлайди.

Марказий сайлов комиссияси тақдим этилган ҳужжатларни беш кунлик муддат ичида текшириб чиқади ва уларнинг ушбу Кодекс талабларига мувофиқлиги тўғрисида хулоса беради.

Марказий сайлов комиссияси рўйхатга олиш учун тақдим этилган ҳужжатларда аниқланган номувофиқликлар ва ушбу кодекс талабларидан четга чиқиш ҳоллари тўғрисида тегишли сиёсий партияларнинг раҳбарларига маълум қилади. Сиёсий партия ҳужжатлардаги аниқланган номувофиқликлар ва хатоларни икки кунлик муддатда тузатишга ҳамда уларни Марказий сайлов комиссиясига тақдим этишга ҳақли.

Эслатиб ўтамиз, Ўзбекистон “Миллий тикланиш” демократик партиясининг жорий йил 1 ноябрь куни бўлиб ўтган VI съездида Олий Мажлис Қонунчилик палатасига сайлов ўтказувчи 150 сайлов округи бўйича номзодлар кўрсатилган. Партия ушбу номзодларни расман рўйхатдан ўтказишни сўраб Марказий сайлов комиссиясига ариза тақдим этди.

Мазкур партиядан Олий Мажлис Қонунчилик палатасига кўрсатилган номзодларнинг 36 фоизи аёллар. Номзодларнинг 31 фоизи педагоглар. Шунингдек, иқтисодчилар 31, шифокорлар 8, ҳуқуқшунослар 6, журналистлар 9 фоизни, номзодларнинг қолган қисмини бошқа соҳа вакиллари ташкил этмоқда. 70 фоиз номзодлар 30 ёшдан – 50 ёшгача.

Ўзбекистон Экологик партиясининг жорий йил 4 ноябрь куни бўлиб ўтган II съездида Олий Мажлис Қонунчилик палатасига сайлов ўтказувчи 150 сайлов округи бўйича номзодлар кўрсатилган. Партия ушбу номзодларини расман рўйхатдан ўтказишни сўраб Марказий сайлов комиссиясига ариза тақдим этди.

Ўзбекистон Экологик партиясидан Олий Мажлис Қонунчилик палатасига кўрсатилган номзодларнинг 37 фоизи аёллар. Номзодларнинг аксарият қисми, яъни 29 фоизи экологлар, педагоглар 24, шунингдек, шифокорлар 22, иқтисодчилар 11, ҳуқуқшунослар 4, номзодларнинг қолган қисмини бошқа соҳа вакиллари ташкил этмоқда. 65 фоиз номзодлар 30 ёшдан – 50 ёшгача.

Н.АБДУРАИМОВА
- Advertisement -

Latest news

Адвокатлар ёрдамисиз ҳам ўз-ўзимизга ҳуқуқий хизмат кўрсата олишимиз мумкинми?

Албатта, биз ўз-ўзимизга ҳуқуқий хизмат кўрсата олишимиз мумкин. Бунинг имкониятлари ҳозирда мавжуд. Бунинг учун бизга “Legal Tech” индустрияси керак бўлади. Юридик технология нима учун муҳим?...
- Advertisement -

Shaxs obro‘sini himoya qilish – muhim vazifa

Yurtimizda huquqshunoslik va tilshunoslik sohalari kesishmasidagi birmuncha yangi soha – lingvistik ekspertizaning rivojlanishi bilan shaxsni haqorat qilish, uning sha’ni, qadr-qimmati va obro‘siga daxl qilinishining...

“Habeas korpus” instituti doirasida mulkiy huquqlarni muhofazalash

Mamlakatimizda xususiy mulk himoyasi va mulkiy huquqlarning daxlsizligiga davlat siyosatining ustuvor yo‘nalishlaridan biri sifatida e’tibor qaratilmoqda. Xususan, 2022-yilning avgust oyida tadbirkorlar bilan o‘tkazilgan ochiq...

Ўтиш даврида экспертлар таҳлили зарур

Бугун «Hyatt Regency Tashkent» меҳмонхонасида Марказий Осиё экспертлари форуми бўлиб ўтмоқда. Форумда минтақа мамлакатларидан 100 дан ортиқ жамоат ва сиёсий арбоблар, экспертлар ҳамжамияти, оммавий ахборот...

Related news

Адвокатлар ёрдамисиз ҳам ўз-ўзимизга ҳуқуқий хизмат кўрсата олишимиз мумкинми?

Албатта, биз ўз-ўзимизга ҳуқуқий хизмат кўрсата олишимиз мумкин. Бунинг имкониятлари ҳозирда мавжуд. Бунинг учун бизга “Legal Tech” индустрияси керак бўлади. Юридик технология нима учун муҳим?...

Shaxs obro‘sini himoya qilish – muhim vazifa

Yurtimizda huquqshunoslik va tilshunoslik sohalari kesishmasidagi birmuncha yangi soha – lingvistik ekspertizaning rivojlanishi bilan shaxsni haqorat qilish, uning sha’ni, qadr-qimmati va obro‘siga daxl qilinishining...

“Habeas korpus” instituti doirasida mulkiy huquqlarni muhofazalash

Mamlakatimizda xususiy mulk himoyasi va mulkiy huquqlarning daxlsizligiga davlat siyosatining ustuvor yo‘nalishlaridan biri sifatida e’tibor qaratilmoqda. Xususan, 2022-yilning avgust oyida tadbirkorlar bilan o‘tkazilgan ochiq...

Ўтиш даврида экспертлар таҳлили зарур

Бугун «Hyatt Regency Tashkent» меҳмонхонасида Марказий Осиё экспертлари форуми бўлиб ўтмоқда. Форумда минтақа мамлакатларидан 100 дан ортиқ жамоат ва сиёсий арбоблар, экспертлар ҳамжамияти, оммавий ахборот...
- Advertisement -