More

    Ҳарбий билим юртлари курсантлари ўртасида «Ҳарбий-касбий тайёргарлик» олимпиадаси бошланди

    Кеча, 4 ноябрь куни Чирчиқ олий танк қўмондонлик-муҳандислик билим юртида «Ҳарбий-касбий тайёргарлик» фани олимпиасиданинг республика босқичи очилиш маросими бўлиб ўтди.

    Давлатимиз мадҳияси садолари остида мусобақа тантанали равишда очиқ деб эълон қилинди. Мудофаа вазирлиги ҳарбий таълим бошқармаси бошлиғи полковник Шермуҳаммад Саидахматов олимпиада қатнашчиларига омад тилаб, мусобақа тартиб-қоидалари, унинг аҳамияти ва ғолиб жамоа юртимиз шарафини халқаро майдонда муносиб ҳимоя этиши каби муҳим жиҳатларга алоҳида тўхталиб ўтди.

    2020 йилда Мустақил Давлатлар Ҳамдўстлиги (МДҲ) мамлакатлари ўртасида ташкиллаштириладиган халқаро «Ҳарбий-касбий тайёргарлик» фани олимпиадасига саралаш босқичи ҳисобланган мазкур мусобақада Ўзбекистон олий ҳарбий авиация билим юрти, Қуролли Кучлар академияси, Чирчиқ олий танк қўмондонлик-муҳандислик билим юрти, ва Миллий гвардия ҳарбий-техник институти курсантлари ўзаро баҳслашмоқда.

    Курсантлар назарий билимлардан ташқари «Армия биатлони», «Машғулотда қийин, жангда осон бўлади», «Нишонни аниқ йўқ қилиш» каби 12 та йўналишда ўз малака ва кўникмаларини намойиш этишади.

    2015 йилдан буён ўтказиб келинаётган ушбу “Ҳарбий-касбий тайёргарлик” фани халқаро олимпиадасига МДҲ давлатлари мудофаа вазирлари кенгаши котибиятининг таклифига биноан келгуси йил Ўзбекистон мезбонлик қиладиган бўлди.

    Шу муносабат билан 30-31 октябрь кунлари Россия Федерацияси мудофаа вазирлиги кадрлар бош бошқармаси делегацияси юртимизга ташриф буюриб, олимпиадага тайёргарлик жараёни билан яқиндан танишиб кетишди. Ташриф давомида россиялик ҳарбийлар мусобақа ўтказилиши учун мўлжалланган Қуролли Кучлар академиясининг ўқув жараёнини таъминлаш базаси ва Чирчиқ умумқўшин дала-майдонига юқори баҳо беришди.

    Юритмиз мезбонлик қиладиган «Ҳарбий-касбий тайёргарлик» фани олимпиадасида Ўзбекистон жамоаси учинчи марта иштирок этади.

    2018 ва 2019 йилларда ўтказилган мусобақанинг ҳар иккаласида ҳам ўзбекистонлик курсантлар иккинчи ўринни қўлга киритишган.

    Асрор РЎЗИБОЕВ,

    Мудофаа вазирлиги Ахборот ва оммавий коммуникациялар департаменти

    Related articles

    Comments

    LEAVE A REPLY

    Please enter your comment!
    Please enter your name here

    Share article

    Latest articles

    Адлия вазирига ўринбосарлар тайинланди

    Адлия вазирлиги Жамоатчилик билан алоқалар бўлимининг хабар беришича, Қўчқоров Баҳром Тўлқинович Президент қарорига мувофиқ адлия вазирининг ўринбосари  этиб тайинланган. Маълумот берилишича, Б.Қўчқоров бундан олдин Ўзбекистон...

    Транспорт тизими барқарорлигини таъминлаш бўйича кўрсатмалар берилди

    Ўзбекистон Республикаси Президенти Шавкат Мирзиёев 25 май куни транспорт соҳасининг барқарор ишлашини таъминлаш ва изчил ривожлантириш масалалари бўйича йиғилиш ўтказди. Коронавирус пандемияси оқибатида бутун дунёда...

    2020–2025 йилларга мўлжалланган Ўзбекистон Республикасининг банк тизимини ислоҳ қилиш стратегияси тўғрисида

    Ўзбекистон Республикаси Президентининг ф а р м о н и Молиявий секторни изчил ислоҳ қилиш давомида қатор чора-тадбирлар амалга оширилди ва натижада илғор банк бизнесини юритиш...

    Ўзбекистон Республикаси Президенти Шавкат Мирзиёевнинг буюк Ғалабанинг 75 йиллиги ҳамда Хотира ва қадрлаш кунига бағишланган тантанали маросимдаги нутқи

    Ассалому алайкум, қадрли ватандошлар! Муҳтарам уруш ва меҳнат фахрийлари! Аввало, Ватанимизнинг ҳақиқий қаҳрамонлари бўлган сиз, азизларни, сизларнинг тимсолингизда кўпмиллатли бутун халқимизни Иккинчи жаҳон урушида эришилган буюк...

    Шавкат Мирзиёев «Матонат мадҳияси» ёдгорлик мажмуасига гул қўйди

    Бугун мамлакатимизда Хотира ва қадрлаш куни ҳамда Иккинчи жаҳон урушида қозонилган ғалабанинг 75 йиллиги кенг нишонланмоқда. Ўзбекистон Республикаси Президенти Шавкат Мирзиёев пойтахтимизда ўтказилаётган байрам тадбирларида...

    Newsletter

    Subscribe to stay updated.